Sahaba wakiratili, tudiriki Shekhe Ali
Wanahiliki rijali, katukhadaa kufari.
*****
Alii akisikia, sauti kumnadia
Akizinga khuyulia, kudiriki askari.
*****
Akimzinga jawadi, yukinga kama asadi
Akiwegama anidi, kwa sefu dhu ‘lFiqari.
*****
Akiwa kuwadhiisha, adhuhuri hata isha
Na mauti kuwegesha, wakivunda makufari.
*****
Wale waliosalia, mambo yakiwatatia
Waliwele kukimbia, qaumu ya ‘lKhatiri.
*****
Kwao walipowasili, wakidhania qitali
Sahaba na Shekhe Ali, walikwisha kudhihiri.
*****
Pakizuka na mayowe, pasi mjua mwenziwe
Hata mtu na mwanawe, wasijuane khabari.
*****
Wakishika malaina, wao kwa wao kuwana
Wasiwe na kujuana, isha hata ufajiri.
*****
Usiku kupambazuka, walitoza mushirika
Wawene watu kanguka, qaumu ya makufari.
(Visited 212 times, 1 visits today)